______ ຂ່າວສານ ______

ເພື່ອເປັນການປະກອບສ່ວນໃນການຮັກສາຄວາມສະອາດນະຄອນປາກເຊ ໃນເທດສະການບຸນຊ່ວງເຮືອປະຈໍາປີ 2022, ບໍລິສັດອິນຟຣາໂຊລ ຈໍກັດ ຮ່ວມມືກັບ ບໍລິສັດ RMA & Lao Ford City ບໍລິຈາກຖັງຂີ້ເຫຍື້ອ ຈໍານວນ 20 ຖັງ ມູນຄ່າລວມ 20 ກວ່າລ້ານກີບ ເພື່ອປະກອບສ່ວນໃຫ້ນະຄອນປາກເຊ ນໍາໃຊ້ໃນເທດສະການດັ່ງກ່າວ ເຊິ່ງເປັນໄລຍະທີ່ມີຂີ້ເຫຍື້ອຢ່າງຫຼວງຫຼາຍ. ຫຼັງຈາກນັ້ນຈະໄດ້ ສົ່ງມອບຕໍ່ໃຫ້ບັນດາພະແນກການຕ່າງໆ ເພື່ອນໍາໃຊ້ໃນຫ້ອງການພາກລັດ ແລະ ທີ່ສາທາລະນະຂອງນະຄອນປາກເຊ.

ອົງການ ພັດທະນາ ແລະ ບໍລິຫານຕົວເມືອງ ເມືອງປາກຊັນ ຮ່ວມກັບບໍລິສັດ ອິນຟຣາໂຊລ ຈຳກັດຜູ້ດຽວ ລົງນາມເຊັນບົດບັນທຶກ ການສຳລະສະສ່າງຄ່າບໍລິການຂີ້ເຫຍື້ອ ດ້ວຍລະບົບທັນສະໄໝ

ເພື່ອຫັນເຂົ້າສູ່ຄວາມທັນສະໄໝແລະສະດວກສະບາຍໃນການຊໍາລະຄ່າບໍລິການເກັບມ້ຽນຂີ້ເຫຍື້ອທາງແຂວງຫຼວງພະບາງໄດ້ ເຊັນສັນຍາກັບໂຄງການພັດທະນາລະບົບຊຳລະຄ່າບໍລິການເກັບມ້ຽນ-ຂົນສົ່ງຂີ້ເຫຍື້ອ ກັບບໍລິສັດ ໄອພີຊີ ທີ່ປຶກສາການລົງທຶນ ແລະພັດທະນາຄົບວົງຈອນ ຈຳກັດ ທີ່ໄດ້ຮ່ວມລົງທຶນ ກັບ ບໍລິສັດ ອິນຟຣາໂຊລ ຈຳກັດຜູ້ດຽວຈໍາກັດ ຊຶ່ງໄດ້ຈັດຂຶ້ນວັນທີ 20 ພຶດສະພາ 2022ຜ່ານມາ ທີ່ພະແນກແຜນການ ແລະການລົງທຶນແຂວງຫຼວງພະບາງ. ທ່ານ ໂພໄຊ ວົງຜາສິດ ອຳນວຍການ ບໍລິສັດ ໄອພີຊີ ທີ່ປຶກສາການລົງທຶນ ແລະ ພັດທະນາຄົບ ວົງຈອນ ຈຳກັດ ກ່າວວ່າ: ສໍາລັບການລົງທຶນດັ່ງກ່າວແມ່ນການສ້າງຕັ້ງພັດທະນາລະບົບການຊຳລະຄ່າບໍລິການເກັບມ້ຽນຂີ້ເຫຍື້ອໃຫ້ໄດ້ຫຼາຍຊ່ອງທາງ ເຊັ່ນ: ຜ່ານໂທລະສັບມືຖືທີ່ເຊື່ອມຕໍ່ທະນາຄານ ໂດຍລະບົບ Appລົງໃສ່ມືຖື ແລະເຄື່ອງພິມບິນຮັບເງິນ (ທີ່ມີລັກສະນະເຄື່ອງພິມເຊັກເລກ) ທີ່ຈະໃຊ້ແທນການຈີກປີ້,ໂດຍມອບໃຫ້ນາຍບ້ານເປັນຜູ້ຮັບຜິດຊອບ,ທັງອໍານວຍຄວາມສະດວກໃຫ້ແກ່ຜູ້ຊົມໃຊ້ ເຊັ່ນ: ຄົວເຮືອນ, ສຳນັກງານ-ຫ້ອງການລັດ, ຜູ້ປະກອບການ ແລະ ພາກທຸລະກິດ) ສາມາດກວດສອບ ແລະ ຕິດ ຕາມຂໍ້ມູນຂອງຕົນໄດ້ຢ່າງສະດວກສະບາຍ ແລະທັນເວລາ ພຽງແຕ່ປ້ອນເລກໄອດີຂອງຄົວເຮືອນໃສ່ເຄື່ອງພິມ ຫຼື ບົບດັ່ງກ່າວ ກໍ່ສາມາດກວດສອບ ຫຼື ເຫັນມູນຄ່າຄ້າງຊຳລະຫຼ້າສຸດ. ສໍາລັບສັນຍາແມ່ນ ມີອາຍຸ 35 ປີ, ເຊິ່ງເລີ່ມແຕ່ວັນທີ 20/05/2022-19/05/2057 ແລະ ສາມາດຕໍ່ໄດ້ຕາມກົດໝາຍວ່າດ້ວຍການສົ່ງເສີມການລົງທຶນ, ມູນຄ່າການລົງທຶນທັງໝົດ: 826.000 ໂດລາສະຫະ ລັດ.ໂດຍແມ່ນຫ້ອງການບໍລິ ຫານ ນະຄອນຫຼວງພະບາງ ແລະບໍລິສັດ ສາຍນໍ້າຄານສະອາດ ຈໍາກັດຜູ້ດຽວ ເປັນຜູ້ບໍລິການເກັບມ້ຽນ-ຂົນສົ່ງຂີ້ເຫຍື້ອຈາກບ້ານ 42 ບ້ານເປົ້າໝາຍໄປຖິ້ມສະໝາມ. ຈາກນັ້ນ ທ່ານ ຈີນດາວົງ ໂພສີດໍາ ຫົວໜ້າ ພະແນກແຜນການ ແລະ ການລົງທຶນ ຕາງໜ້າ ອົງ ການປົກຄອງແຂວງ, ທ່ານ ໂພໄຊ ວົງຜາສິດ ອຳນວຍການ ບໍລິສັດ ໄອພີຊີ ທີ່ປຶກສາການລົງທຶນ ແລະ ພັດທະນາຄົບວົງຈອນ ຈຳ ກັດ,ທ່ານ ວຽງທອງ ຫັດສະຈັນ ເຈົ້ານະຄອນ ຫຼວງພະບາງ ແລະທ່ານ ໃຈຖະໜອມ ພໍລະສີມ ອຳນວຍການ ບໍລິສັດ ອິນຟຣາໂຊລ ຈໍາກັດຜູ້ດຽວ,ມີຕາງໜ້າພະແນກຊັບພະຍາກອນ ທໍາມະຊາດ ແລະສິ່ງແວດ ລ້ອມແຂວງ,ຫ້ອງການບໍລິຫານ ນະຄອນ ຫຼວງພະບາງ ກໍໄດ້ຮ່ວມກັນລົງນາມໃນສັນຍາສໍາປະທານ.ໂດຍມີບັນດາ ພະແນກການກ່ຽວຂ້ອງ,ອົງການປົກຄອງບ້ານເປົ້າໝາຍ, ບໍລິສັດ ສາຍນໍ້າຄານສະອາດ ຈໍາກັດຜູ້ດຽວ,ບໍລິສັດ ໄອພີຊີ ທີ່ປຶກສາການລົງທຶນ ແລະ ພັດທະນາຄົບວົງຈອນ ຈຳກັດ,ບໍລິສັດ ອິນຟຣາໂຊລ ຈຳກັດຜູ້ດຽວ ເປັນສັກຂີພະຍານ.

ໃນວັນທີ 14 ທັນວາ 2021 ບໍລິສັດ ອິນຟຣາໂຊລ ແລະ ອໍານາດການປົກຄອງນະຄອນປາກເຊ ແຂວງຈໍາປາສັກ ໄດ້ຈັດພິທີເປີດນໍາໃຊ້ລະບົບຊໍາລະຄ່າເກັບຂົນຂີ້ເຫຍື້ອຜ່ານລະບົບທັນສະໃໝຂື້ນຢ່າງເປັນທາງການ . ລະບົບ Waste Payment System (WPS) ເປັນລະບົບທີ່ບໍລິຫານຈັດການ ແລະ ຄຸ້ມຄອງການຊໍາລະສະສາງຄ່າບໍລິການຂີ້້ເຫຍື້ອແບບທັນສະໃໝ ແລະ ສາມາດຊໍາລະສະສາງຜ່ານ App Wastepay ໄດ້ຢ່າງສະດວກສະບາຍ, ອອກໃບບິນຮັບເງິນຜ່ານເຄື່ອງ POS ທີ່ມີຄວາມໂປ່ງໃສ ແລະ ເຊື່ອຖືໄດ້. ຂໍຂອບໃຈທຸກໆການສະໜັບສະໜູນ ຊ່ວຍເຫຼືອ ແລະ ຮ່ວມແຮງຮ່ວມໃຈກັນຂອງທີມງານ ຕະຫຼອດ 1 ປີກວ່າຜ່ານມາ, ຂອບໃຈບໍລິສັດທີ່ປຶກສາ ແລະ ອໍານາດການປົກຄອງຂອງແຂວງຈໍາປາສັກ. ພວກເຮົາພ້ອມແລ້ວ ທີ່ຈະເປັນສ່ວນໜື່ງ ໃນການພັດທະນາລະບົບຊໍາລະສະສາງ ພາຍໃນປະເທດລາວ.